كتير من طلاب الثانوية العامة خارجين من الامتحانات زعلانين وقرفانين بسبب صعوبة الفيزياء والتاريخ وأغلب التعليقات كانت على الوقت اللي مكنش مكفي الإجابة وفي ناس سابت أسئلة كاملة بسبب ضيق الوقت
_ أنا هقولكم شوية نصايح هتخليكم تدخلوا باقي الامتحانات وانتو مطمنين ومش شايلين هم أي حاجة وهقولكم على الطريقة اللي هتقسموا بيها الأسئلة على أد الوقت بالظبط لا وكمان هيكون في وقت للمراجعة باستفاضة
_في البداية لازم يكون معايا ساعة، الساعه في امتحانات الثانوية العامة أهم من القلم.. أول ما تستلم الأسئلة هتبص عليها كلها بشكل سريع وهقسم الوقت اللي معايا على حسب كل سؤال مثلا لو سؤال شايف أنه هياخد مجهود كبير اديله نص ساعه في سؤال هديله عشر دقائق سؤال تاني هديله ربع ساعه وهعمل التقسيمة دي جنبي قبل ما ابدأ أحل
_ هبدأ الحل وهلتزم بتوقيت كل سؤال.. ولو في سؤال توقيته خلص لكن إجابته لسه ما خلصتش هسيبه وادخل على اللي بعده ولما اخلص خالص هرجع له تاني لأن سؤال واحد ممكن يسرق مني تلت الوقت وهتفاجىء ان الوقت خلص ولسه في اسالة كتير ما اتحلتش
_ ودي الغلطة اللي بيقع فيها ناس كتير يعني أنك تقدم إجابة ناقص فيها جزء بسيط افضل من انك ما اتحلش سؤال كامل بسبب الوقت
_ أما عن المراجعة دي بقى اهم حاجة.. لو عندي وقت كافي هراجع كل حاجة بالتفصيل.. همسك ورق الأسئلة وهعلم تحت كل كلمة في السؤال عشان اتاكد اني فهمهتها الصح لأن في أسئلة كتير بتكون لفه وفي أسئلة بتكون سؤالين في سؤال واحد..
_ أما لو انا معنديش وقت هراجع بشكل سريع كل سؤال قصاده أنا كاتب ايه او معلم على إيه وهقرا كويس الاختيارات اللي قدامي لأن لازم يكون في اختيارات لفه ومحتاجة تفكير متعمق.
امتحانات الثانوية العامة
دائما مايكون هناك رهبة وقلق وقت الامتحان لدي طلاب الثانوية العامة في الامتحانات مما يجعلهم خائفون كلما تذكرو وقت الامتحان.
يشعر طلاب الثانوية العامة بكثير من الضغط في كثير من الاحيان،يكون الضغط مفيد بسبب جعل الدماغ تفرز مستوي عالي من الكورتيزول،ويمكن ان تخطئ هذة الطريقة،لذا يجب علي الطلاب ان يكونو هادئون خلال فترة امتحانات الثانوية العامة.
يجب علي طلاب الثانوية العامة ان يحددو اولوياتهم والموضوعات التي يجب مزاكرتها، سيساعد ذلك في التقليل من القلق والتوتر ويجعلهم قادرون علي مزاكرة كل المواد المهمة في الوقت المناسب.